Нефтекамала «Бәлешфест» үтте

Мәҙәниәт һәм ял паркында икенсе «БәлешФест» гастрономия фестивале үтте. Милли аш-һыу конкурсында 118 ҡатнашыусы булды.

Нефтекама ҡалаһы өсөн фестиваль йәш булыуға ҡарамаҫтан, ул ҡала халҡына бик оҡшаны. «Бәлешфест» милли аш-һыу фестивале төрлө халыҡтарҙың аш-һыуын тәҡдим итте. Бында башҡорт, рус, татар, сыуаш, удмурт, мари, мордва халыҡтарының аш-һыуҙарынан ауыҙ итергә мөмкин ине. Милли ризыҡтар менән биҙәлгән өҫтәлдәр һый-ниғмәттән һығылып торҙо.