Нефтекамала «Йөрәктәрҙе музыка менән тулыландырайыҡ» арт-квартирнигы үтте

Нефтекамала «Йөрәктәрҙе музыка менән тулыландырайыҡ» арт-квартирнигы үтте, унда жанрҙарҙан һәм формаларҙан азат музыка яңғыраны. Тере, лампалы, акустик тауыш, үҙ аккомпанемент, йәнле башҡарыу һәм автор йырҙары - былар концерттың төп үҙенсәлектәре.

Был көндө сәхнәлә 180-ләп йәш гитарасы сығыш яһаны, күптәр өсөн был сығыш дебют булды. Тамашасылар яратҡан йырҙарын ҙур ҡыуаныс менән йырланы һәм яңыларын иғтибар менән тыңланы, сөнки һәр кемдең үҙ йыры бар.

Тыуған ил, дуҫлыҡ, мөхәббәт һ.б. тураһында йырҙар яңғыраны. Йәш музыканттар был ваҡиғаға оҙаҡ һәм ентекле әҙерләнгән. Тамашасылар музыкаль номерҙарҙы һоҡланып ҡабул итте, алҡышлап ҡаршы алды.