Нефтекама ҡала дауаханаһында һөнәри йүнәлеш биреү үҙәге асылды

Медицина кластары гимназистары һәм лицейсылары, медицина юғары уҡыу йорттарына уҡырға инергә ҡарар иткән мәктәпте тамамлаусылар тәжрибәле гематолог, 2-се госпиталь терапияһы кафедраһы мөдире, медицина фәндәре докторы, доцент Булат Бакировҡа үҙ һорауҙарын бирҙе.

Улар юғары уҡыу йорттарына инеү ҡағиҙәләре, маҡсатлы ҡабул итеү, бюджет нигеҙенә инеү өсөн берҙәм дәүләт имтиханының кәрәкле балдары тураһында тулы мәғлүмәт алды. Белем биреү программаһы менән таныштылар.