Бар йөрәктән «Юғалғандар» өсөн

Икенсе йыл рәттән Нефтекама ҡалаһының 5-се балалар баҡсаһы «Бәләкәй дуҫҡа ҙур ярҙам!» хәйриә акцияһында ҡатнаша - ата-әсәләр менән бергә «Юғалғандар» фонды ҡарамағындағы йорт хайуандары өсөн кәрәкле аҙыҡ йыйылды.

Тәрбиәләнеүселәрҙең ғаиләләре, балалар баҡсаһы хеҙмәткәрҙәре был акцияла әүҙем ҡатнашты. Әйткәндәй, акция сиктәрендә ҡаланың «Юғалғандар» хәйриә фонды ирекмәндәре балалар баҡсаһына ла барҙы. Ә балалар баҡсаһы уларға үҙҙәре йыйған бөтә нәмәне - аҙыҡ, тултырғыстар, иҫке сепрәктәрҙе ҙур ҡыуаныс менән тапшырҙы.

Ирекмәндәр шулай уҡ балалар баҡсаһында тәрбиәләнеүселәр менән ҡыҙыҡлы әңгәмә үткәрҙе, йортһоҙ хайуандар тураһында видеороликтар, йәнһүрәт күрһәтте.