Нефтекамала «1000 велосипедсы» акцияһы үтте

Уҙған ял көндәрендә Нефтекамала «1000 велосипедсы» акцияһы үтте. Акцияла 1000-дән ашыу велосипедсы ҡатнаша, уларҙың иң бәләкәйенә 5 йәш.

13 километрҙан ашыу оҙонлоҡтағы маршрут бөтә ҡала аша үтә.

Был быйыл икенсе ҡала велосипед сараһы - 1 майҙа велосезонды асыу тантанаһы үтте, ә хәҙер нефтекамалылар «1000 велосипедсы»акцияһына ҡушылды.

Парктағы Үҙәк сәхнә янында финишта акцияны ойоштороусылар бүләктәр менән үҙенсәлекле конкурс әҙерләй, унда мисс һәм мистер велоуҙышты, спорт велосипед ғаиләһен, креатив, стильле велоуҙышта ҡатнашыусыларҙы һәм ғәҙәти булмаған велосипедты һайлайҙар.

Фото: Руслан Никонов