Яңауылдар ялын файҙалы үткәрҙе

Кисә республика мәғариф учреждениеларында Сәләмәтлек һәм әүҙем оҙон ғүмерлелек йылына арналған төрлө спорт саралары уҙҙы. Яңауыл мәктәптәре был акцияла әүҙем ҡатнашты.

Күпселек саралар саф һауала ойошторолдо.

Мәҫәлән, И.Ш. Мөҡсинов исемендәге гимназияла беренсе класс уҡыусылары менән уларҙың ата-әсәләре ҡатнашлығында “Бөтә ғаилә менән һаулыҡ артынан” ярышы үтһә, өсөнсө класс уҡыусылары хоккей уйнаны, дүртенселәр саналарҙа уҙышты, бишенсе класс уҡыусылары өсөн “Күңелле старттар” уҙғарылды, алтынсылар “Ҡышҡы мәрәкәләр” сараһында үҙҙәрен һанып ҡараны. Ё инде икенсе кластар спорт залында ярышты.

VII–X класс уҡыусылары иһә был мәлдә Башҡортостан Мәғариф һәм фән министрлығы ойошторған һөнәри йүнәлеш буйынса сарала ҡатнашты.

Фото: Социаль селтәрҙән