Яңауыл спортсыһы Ижау ҡалаһында үткән бәйгелә призер булды

Яңауыл еңел атлеты Владислав Шараев Ижау ҡалаһында үткән ҡышҡы ярым марафонда призер булды. Республика ярыштары 6 февралдә үтте һәм Бөйөк Ватан һуғышында Сталинград эргәһендәге Еңеүҙең 78 йыллығына арналды.

Ярым марафонда ҡатнашырға 48 кеше теләк белдерә. Ярыш йомғаҡтары буйынса, «Йәшлек» физкультура һәм спорт муниципаль автономиялы учреждениеһының еңел атлетика буйынса тренеры Владислав Шараев 10 километр йыраҡлыҡҡа йүгереп, көмөш миҙал яуланы.

— Ярыштарға бер көн ҡала, һауа торошо яҙғыса ине, төнөн һыуытып ебәрҙе. Йүгерергә бик ауыр булды: юл тайғаҡ, тимераяҡтарҙа шыуған кеүек булды, — тип, бәйге тураһындағы тәьҫораттары менән бүлеште Владислав.

Фотолар социаль селтәрҙән алынды.