33 градуслыҡ эҫелек көтә

Башгидрометүҙәк хәбәр итеүенсә, Башҡортостанда алдағы ике көн эҫе һәм ямғырлы буласаҡ.

Иртәгә төньяҡ райондарҙа ҡыҫҡа ваҡытлы ямғыр яуа. Үҙгәреүсән, йомшаҡ ел иҫә.

Төндә термометр бағанаһы +13,+18, таулы төбәктәрҙә +8, көндөҙ +24,+29, республиканың көньяғында +33 градусҡа тиклем күтәрелә.

«Гисметео» мәғлүмәттәренә ярашлы, республикала 20 – 25 августа аяҙлы-болотло була, урыны менән бер аҙ ямғыр яуа, күк күкрәй.

Уртаса тәүлек температураһы 22-24, төндә 14-17 градус йылы. Айҙың һуңғы аҙнаһы, йәғни 26 – 31 августа, ямғырлы, болотло була. Һауа температураһы көндөҙ +13 градустан +23-кә тиклем, төндә +12, +18 градус йылы булыуы көтөлә.

Автор: М. АБРАРОВА.

https://bash.rbsmi.ru/news/ay-y-u-y-a-na-y-be-e-yuandyryrmy/