Ағиҙел юнармиясылары Өфөлә үткән ярыштарҙа уңышлы сығыш яһаны

Ағиҙел юнармиясылары Өфөлә үткән ярыштарҙа уңышлы сығыш яһаны.

Августың һуңғы аҙнаһында Өфөлә Бөтә Рәсәй «Орленок» хәрби-спорт уйынының республика этабы үтте. Унда республиканың 18 төбәгенән 100 юнармиясы ҡатнашты. Ағиҙел ҡалаһы намыҫын 2-се мәктәптең «Виктория» хәрби-патриотик клубында шөғөлләнгән биш егет яҡланы. Клубтың етәксеһе – мәктәп педагогы Альбирт Ниғәмәтуллин.

Ярыштар барышында юнармиясылар башланғыс хәрби әҙерлек күнекмәләрендә, стройҙа йөрөү оҫталығында, Ватан тарихын белеүҙә, ижади һәләттәр күрһәтеүҙә көс һынашты. Һөҙөмтәлә, хәрбиләштерелгән эстафетала – беренсе, хәрби-тарихи викторинала - икенсе, таныштырыу конкурсында өсөнсө урынды яулап, ағиҙелдәр команда зачетында дүртенсе булды.