Миңлеғәле Шайморатовҡа арналған флешмобта краснокамалар ҙа ҡатнашты

Бөтә донъя башҡорттары ҡоролтайы иғлан иткән флешмобта краснокамалар ҙа ҙур теләк менән ҡатнашты.

Өфө амфитеатрында бөтә республиканан йыйылған өс мең кеше йондоҙ формаһында теҙелеп "Шайморатов генерал" йырын башҡарҙы. Ҡапыл башланған ямғыр ҙа уларҙы ҡурҡытманы.

- Миңлеғәле Шайморатовтың тыуыуына 120 йыл тулыуға арналған флэшмоб – ҡаһарманға сикһеҙ ғорурлыҡ, тәрән ихтирам, оло һөйөү билдәһе, - ти район башҡорттары ҡоролтайы башҡарма комитеты рәйесе Земфира Сәғитова. - Был сара Шайморатовтың халыҡ геройы икәнлеген иҫбатланы. Батыр яугир тыуған илгә һөйөү, ҡаһарманлыҡ өлгөһө.