Краснокама районы "Йәшел Башҡортостан" акцияһына ҡушылды

Акцияның маҡсаты – халыҡтың иғтибарын экология проблемаларына йәлеп итеү, уны яҡшыртыу, йәшәгән төйәгебеҙҙе йәшелләндереү.

Район ойошмалары һәм учреждениелары хеҙмәткәрҙәре акциялла дәррәү эшләне.
Был көндө райондың Еңеү паркында үҫентеләр ултыртылып, халыҡ өмәлә әүҙем ҡатнашты. Үҫентеләргә шунда уҡ һыу һибелде. Ағас ултыртыу өмәләре райондың барлыҡ ауыл биләмәләрендә лә ойошторолдо.

Өмәнән һуң теләгән һәр кем “ялан кухня”һы, “һалдат бутҡаһы” менән һыйланды, байрам концерты ҡараны.