Йөк машинаһының аҫтында ҡалған...

Башҡортостан буйынса ЮХХДИ мәғлүмәттәре буйынса, 48 йәшлек водитель “Scania” йөк машинаһы менән Нефтекама ҡалаһы яғынан Яңауылға табан хәрәкәт иткәндә “Кia” менән бәрелешә. Еңел автомобиль йөк машинаһының аҫтында ҡала...

Һөҙөмтәлә “Кia” водителе һәм пассажиры урында йән бирә. ”Әле авария урынында полиция һәм тейешле башҡа хеҙмәттәр эшләй. Фажиғәгә килтергән сәбәптәр асыҡлана”, - тип хәбәр иткән автоинспекторҙар.

Оло юл бәләкәй генә хаталарҙы ла ғәфү итмәй. Водителдәрҙе юл-транспорт ҡағиҙәләрен теүәл үтәргә, хәрәкәттә ҡатнашыусыларға хөрмәт менән ҡарарға, уяулыҡты юғалтмаҫҡа саҡырабыҙ. Иҫән-һау йөрөгөҙ, яҡындарығыҙҙы ҡара ҡайғыға һалмағыҙ, өйөгөҙҙә һеҙҙе көтәләр!

Фото: ЮХХДИ.

Автор: Дина Арсланова

Сығанаҡ https://bash.rbsmi.ru