Ҡаҙ өмәһе - ауыл биҙәге

Яңауыл районында ҡаҙ өмәләре үткәрелә.

21 ноябрҙә Ҡомалаҡ ауылында Рәүил һәм Рәхилә Мөхәметдиновтар ғаиләһендә лә ҡаҙ өмәһе үтте. Улар күршеләрен, туғандарын һәм дуҫтарын саҡырып, халҡыбыҙҙың матур йолһын еренә еткереп үтәне.

Ҡаҙҙарҙы һуйғандан һуң, ҡатын-ҡыҙҙар, түңәрәккә теҙелеп ултырып, халҡыбыҙ йырҙарын йырлай-йырлай күңелле итеп ҡаҙ йолҡто. Әйтергә кәрәк, улар эшкә генә түгел, йыр-моңға ла бик әүҙемдәр. Эсен алып, таҙартҡандан һуң, ҡаҙ түшкәләрен сайҡанылар. Ә инде эш бөтөүгә уларҙы, йола буйынса, матур табын көтә ине.