Краснокама районында Яңы йылды нисек ҡаршыланылар

31 декабрҙән 1 ғинуарға ҡарай төндә термометр бағанаһында минус бер генә градус булыу Николо-Берёзовканың төп майҙанында бик күп кешеләрҙең йыйылыуына булышлыҡ итте. Алыҫ урамдарҙан такси саҡыртып килгән хәттә кешеләр, тегеләре иҫә байрам хөрмәтенә хаҡты ике тапҡырға күтәргән. Кемгәлер байрам, ә кемгәлер эш шул. Полиция хеҙмәткәрҙәре лә үҙәк район мәҙәниәт йорто артистары сығыш яһаған сәхнәнән сиктән тыш күңелсә граждандарҙы ҡыуып төшөрөп тора. Мәҙәниәт хеҙмәткәрҙәре өсөн дә байрам - ул эш, хәйер, уларҙың эше - байрам. «Был диуарҙарҙа Яңы йылды 30 йыл буйы үткәрҙем», - тип әллә үкенеп, әллә һағынып әйтеп ҡуйҙы уның мәҙәниәт йортоноң элекке директоры Рәмил Лотфуллин.

Быйыл улар тормош иптәше Миңлегөлапай менән Яңы йылды бик үҙенсәлекле итеп ҡаршылаған. «Рюкзактарҙы аҙыҡ-түлек менән тултырып алып, Новосёлов урамы ҡаршыһындағы урманға юлландыҡ. Ә унда - шундай рәхәт! Яңы 2024 йылды ла урманда ҡаршы алдыҡ һәм ошолай уйлап сығарыуыбыҙға ҡыуанып бөтә алмайбыҙ», - тиләр. Рәмил Хәмит улы, үҙ эшенең ысын оҫтаһы булараҡ, әле лә үҙ-үҙенә хыянат итмәгән: Кыш бабай костюмын кейгән. Әйткәндәй, был юлы уның коллегалары күп ине, хатта йәштәр кейенгән. Халыҡ бейене, артистар менән бергәләп йырланы һәм һәр береһен көслө алҡыштар менән оҙатты. Һуңынан яңы йыл дискотекаһы булды, ул «Слово пацана» сериалы ярҙамында йәнә популярлыҡ яулаған Юрий Шатуновтың «Седая ночь» йыры менән асылды.

Быйыл билдәле сәбәптәр буйынса салют булманы, ләкин был шатлыҡты һәм күңел асыуҙы бер нисек тә кәметмәне. Ә ваҡыты-ваҡыты менән ергә ауған ҡар байрамға үҙенә бер төрлө шарм ғына өҫтәп торған. Телеграмда Яңы йылды байрам итеүҙән илдең һәм донъяның төрлө мөйөштәрендә фотоһүрәттәр ҡарайым. Яңы йыл ҡарһыҙ үткән еҙәр ҙә бар. Ҡарһыҙ Яңы йыл Яңы йылмыни инде ул. Беҙҙә исмаһам ҡыш тиһәң ҡыш. Бурандар, сатнама һыуыҡтар тора, шыршыларға ятҡан, аяҡ аҫтында шығырдаған кар, боҙло тауҙар,...