Яңауылдар – чемпион

17 - 20 июндә Стәрлетмаҡ ҡалаһында Башҡортостан Республикаһының белем биреү ойошмаларында уҡыусылар араһында ГТО фестивален уҙҙы. “Хеҙмәткә һәм оборонаға әҙер” Бөтә Рәсәй физкультура-спорт комплексы “Демография” милли проектының “Спорт – тормош нормаһы” федераль проекты сиктәрендә тормошҡа ашырыла.

Ҡатнашыусылар шәхси беренселектә һәм команда иҫәбендә иң яҡшыһы исеме өсөн көрәште. Фестивалдә район-ҡалаларҙан бөтәһе 35 команда ҡатнашты. Балалар ГТО нормативтарын үтәүҙә – йүгереүҙә, атыуҙа, йөҙөүҙә, шулай уҡ көскә һәм һығылмалылыҡҡа күнегеүҙә ярышты.

Яңауылдар үҙ категорияларында йәнә чемпион булды.