Инженерлыҡ олимпиадаһында – 4-се урын!

Ике көн дауамында уҡыусылар техник ижад өлкәһендә үҙ һәләтен күрһәтте. Төрлө район-ҡалаларҙан килгән 89 уҡыусы араһында Тәтешле районы балалар ижад үҙәгенән дә уҡыусылар ҡатнашты.

Унда Әрибаш мәктәбенең 11-се класс уҡыусыһы Руслан Шәрифйәнов электроника йүнәлешендә 4-се урын яуланы. Был уның беренсе еңеүе түгел. Ул техник йүнәлештәге төрлө конкурстарҙа призлы урындар яулай. 8-се класс уҡыусылары Мансур Хәмәтйәров һәм Азалия Хәкимйәнова ла һынатманы.

Уҡыусыларҙы олимпиадаға балалар ижад үҙәге методисы Мөдәрис Мортазин әҙерләне.