Дарыуҙан яҡшыраҡ, тиҙәр...

Табиптар сәләмәтлек өсөн иң файҙалы ун төрлө аҙыҡ исемлеген билдәләгән. Был исемлеккә һоло, бал, имбир, картуф, кәбеҫтә, куркума, үҫемлек майы, тоҙ, лимон һәм һуған ингән.

Ашҡаҙан эшмәкәрлеген көйләү өсөн һоло һәм кәбеҫтә файҙалы. Һоло насар холестеринды кәметә һәм яман шеш ауырыуынан һаҡлай. Кәбеҫтә иһә аҙыҡ эшкәртеүҙе яҡшырта. Артроз һәм һулыш юлдары ауырыуынан тоҙ ҡушылған бал ярҙамға килә.

Ҡан тамырҙарын таҙартыуҙа имбирҙең ярҙамын тойорһоғоҙ. Ул шулай уҡ ҡанда холестерин һәм шәкәр күләмен кәметә, ҡанды шыйыҡлай һәм бөйөрҙәр эшмәкәрлеген яҡшырта. Үҫемлек майының йөрәккә файҙаһы күп. Зәйтүн майы ҡан тамырҙарын нығыта, киндер майы тромбтар барлыҡҡа килеүгә ҡаршы тора, уларҙы иретеү үҙенсәлегенә эйә.

Баш ауыртҡанда лимон һалынған кофе эсеү файҙалы. Ә бал ҡушылған куркума яман шеш сирҙәренә ҡаршы тороу һәләтен арттыра.

Автор: Самат ҒӘЛИН әҙерләне.

Сығанаҡ https://bash.rbsmi.ru

Фотоchoiz.me

Читайте нас: