Ҡурай
+26 °С
Болотло
Бөтә яңылыҡтар
Общие статьи
25 Ноябрь 2020, 21:25

Ҡабаҡ – витаминдар “батшаһы”

Ҡабаҡ – тәмле һәм файҙалы йәшелсә, унан ҡайнатма ла, һут та эшләйҙәр, халыҡ медицинаһында бөтә өлөштәрен дә файҙаланалар.

Ҡабаҡ орлоғо сей көйөнә файҙалыраҡ. Йомшаҡ өлөшө үт һәм бәүел ҡыуҙырыу сифатына эйә. Йәшелсә организмдағы витаминдар, микроэлементтар һәм минералдар ҡытлығын тулыландыра. Уның сағыу төҫө күҙ күреү һәләтен нығытҡан бета-каротин – А витаминына бай булыуы хаҡында һөйләй. Ҡабаҡ – аҙыҡ эшкәртеү эшмәкәрлеген яҡшыртыуға булышлыҡ иткән күҙәнәкле туҡыма сығанағы ла.

Белгестәр әйтеүенсә, уның организм өсөн файҙаһы баһалап бөткөһөҙ. В төркөмө һәм Е, С, РР, Т витаминдары нервы системаһына ыңғай тәьҫир итә, тынысландырыу, йоҡоно һәм хәтерҙе яҡшыртыу үҙенсәлегенә эйә. Арыу-талсығыуҙан, ҡуҙғыусанлыҡтан арынырға ярҙам итә. С витамины һытҡыларҙан ҡотолдора, тырнаҡ һәм сәстәрҙе нығыта, А һәм Е витаминдары иртә ҡартайыуҙы һәм йыйырсыҡтарҙы иҫкәртә, ә К витамины ҡан ойошоусанлығын яҡшырта. Каротинды электән үк тәбиғи антибиотик тип йөрөтәләр. Йәшелсә орлоҡтары эсәк паразиттарынан ҡотолорға ярҙамлаша, ә һуты һыуыҡ тейгәндә бик файҙалы.

Әммә үтә файҙалы йәшелсәнең дә кире сифаттары булыуы билдәле. Аллергия, шәкәр диабеты менән сирләгәндәргә, ашҡаҙан ауырыуҙарынан яфаланғандарға ҡабаҡты йыш ашауҙың зыян килтереүе ихтимал.
Сығанаҡ https://bash.rbsmi.ru/articles/s-l-m-t-bulayy/aba-vitamindar-batsha-y/
Читайте нас: