Сәләмәт булғың килһә — прививка яһат!

Нефтекама ҡалаһында коронавирус инфекцияһынан халыҡты әүҙем вакцинациялау бара. Әлегә ҡалаға 5 партия менән 1890 доза вакцина килгән.

Ҡала дауаханаһының медицина профилактикаһы бүлеге мөдире Наталия Вәлиева әйтеүенсә, Нефтекама ҡалаһына 5 партия менән 1890 доза вакцина килтерелгән. Тәүгеләре хәүеф төркөмөндә булған медицина хеҙмәткәрҙәренә, уҡытыусыларға, социаль хеҙмәткәрҙәргә тәғәйенләнгән. Бер партия маҡсатлы ине, ул психоневрология интернаты хеҙмәткәрҙәренә һәм унда социаль хеҙмәттәр алыусыларға булды. Тағы ла береһе халыҡты вакцинациялау өсөн ҡала дауаханаларына таратылған. Дөйөм алғанда, 1-се поликлиникаға 250 доза вакцина килтерелгән.

Тағы ла бер маҡсатлы партия НефАЗ ойошмаһы хеҙмәткәрҙәре өсөн көтөлә. Әйткәндәй, теләһә ҡайһы предприятие йәки учреждение хеҙмәткәрҙәре прививка яһатыу өсөн теркәлгән поликлиникаһына заявка бирә ала.