Нефтекамала торлаҡ-коммуналь хужалығының иң яҡшы һөнәрмәндәре билдәләнде

Нефтекама машиналар төҙөү колледжы базаһында торлаҡ-коммуналь хужалығы өлкәһендә “Һөнәре буйынса иң яҡшы” һөнәри оҫталыҡ конкурсының төбәк этабы үтте.

Төбәктең коммуналь хужалыҡ командалары ярышты. Асҡын, Балтас, Бөрө, Благовещен, Борай, Дүртөйлө, Илеш, Ҡалтасы, Краснокама, Мишкә, Тәтешле һәм Яңауыл райондары, шулай уҡ Ағиҙел ҡалаһы һәм майҙан хужалары — Нефтекама тәҡдим ителде.

Нәтижәлә алты компетенцияла еңеүселәр һәм призерҙар билдәләнде.

Еңеүселәргә дипломдар һәм иҫтәлекле бүләктәр тапшырылды.