Бөтә Рәсәй самауырҙар конкурсында — Гран-при

Өфөлә «Terra Zima-2022» Яңы йыл фестивале сиктәрендә Бөтә Рәсәй самауырҙар конкурсы уҙҙы, ул баш ҡалала дүртенсе тапҡыр үткәрелде. Гран-при һәм 50 мең һум аҡса Нефтекаманан килгән самауырсылар коллекционеры, милли костюмдар белгесе һәм боронғо әйберҙәр йыйыусы Рәмзилә Аҡмаловаға тапшырылды.

Конкурсты БР-ҙың  Туризм буйынса дәүләт комитеты, Өфө хакимиәте һәм БР Туризм үҫеше үҙәге ойошторҙо.

Гран-при һәм 50 мең һум аҡса Нефтекаманан килгән самауырсылар коллекционеры, милли костюмдар белгесе һәм боронғо әйберҙәр йыйыусы Рәмзилә Аҡмаловаға тапшырылды. Бөгөн уның коллекцияһында боронғо күмер, утын һәм заманса электр уты менән ҡайнатылған 50-нән ашыу самауыр иҫәпләнә. Конкурста ул ҙур коллекцияһының бер өлөшөн генә тәҡдим итте, һәм еңеү өсөн шул да етте.