Нефтекамала юлдарҙағы соҡорҙарҙы ямау башланды

Ҡала округы юлдарын йәйге осорға әҙерләйҙәр — юлдарҙың ҡаты өҫлөгөн  ремонтлау башланды. Ҡала округының дөйөм майҙаны 30 137 кв.м булған урамдарҙың соҡорҙарын ямау планлаштырыла.

Ағымдағы йылда соҡорҙарҙы ямау өсөн сауҙа уҙғарылған. Уның барышында подрядсы — «Танып» яуаплылығы сикләнгән йәмғиәте билдәләнде. Муниципаль контракттың суммаһы 40 миллион һум тәшкил итә.

Шул иҫәптән ихаталарҙа дөйөм майҙаны 3 000 кв.м етешһеҙлектәре булған соҡорҙарҙы ямау буйынса эштәр башҡарыу планлаштырыла. Быға 4 миллион һум аҡса бүленәсәк. Ремонт адрестары «Инцидент» төбәк системаһына йүнәлтелгән мөрәжәғәттәрҙән билдәләнгән.

Хәҙерге ваҡытта идара итеүсе компаниялар көсө менән ихаталарҙа соҡорҙарҙы ямау тураһында мәсьәлә ҡарала.