Ҡала дауаханаһы биләмәһе йәшелләндерелә

Нефтекама ҡала дауаханаһы биләмәһен төҙөкләндереү буйынса эштәр дауам итә.

Бында сәскә түтәленә майҙаны 640 квадрат метр булған рулонлы газон килтерелгән. Газон үҫеп китһен өсөн, уны һалыу эштәрен мөмкин тиклем ҡыҫҡа ваҡытта башҡарҙылар.

Ерҙе алдан әҙерләгәндәр, иҫке үләндән таҙартҡандар, тупраҡ өҫтөн йомшартҡандар, ерҙе тигеҙләгәндәр һәм газон һырғалағы менән тығыҙлағандар. Артабан — газонды һалыу, тығыҙландырыу һәм һыу һибеү.

Хәҙер дауахана биләмәһендә бик үҙенсәлекле, матур түтәл бар.