Нефтекамала етем балаларға фатир асҡыстары тапшырылды

Ҡала көнөндә Нефтекамала 14 етем балаға фатир асҡыстары тапшырылды.

Балалар был ваҡиғаны бер нисә йыл көткән, һәм тантана ваҡытында үҙ бәхеттәренә әле һаман да ышанмауҙарын әйттеләр. Фатирҙар йәштәр биҫтәһендә, «Нефтекамскстройзаказчик» предприятиеһы төҙөгән яңы йортта урынлашҡан.

Бөгөнгә Нефтекама ҡалаһы хакимиәтендә етем балалар һәм улар иҫәбенән торлаҡ менән тәьмин ителергә тейешле кешеләр исемлегендә 170 кеше тора, уларҙың 111-е торлаҡ алыуға хоҡуҡлы, йәғни 18 йәшкә еткәндәр.