Рок-н-ролды бик яҡшы бейенеләр

Нефтекама ҡалаһының «Фристайл» акробатик рок-н-ролл клубы командаһы акробатик рок-н-ролл буйынса Волга буйы федераль округы чемпионатында һәм беренселегендә уңышлы сығыш яһаны.

Ярыштар Киров ҡалаһында уҙҙы. Иң көслөләр исеменә Һамар, Пермь, Ҡазан, Өфө, Түбәнге Новгород, Чебоксар, Йошкар Ола һәм Киров ҡалаларынан 400-ҙән ашыу спортсы көс һынашты.

Нефтекаманы «Фристайл» акробатик рок-н-ролл клубы командаһы тәҡдим итте. Сығыштар йомғаҡтары буйынса ҡатын-ҡыҙҙар формейшны чемпионаттың финалына инде, малайҙар һәм ҡыҙҙар микст класы (Варвара Кисматова һәм Кирилл Гавриленко) - 2-се, микст формейшн йәш үҫмерҙәр 3-сө урын алды.

Бынан тыш, «Фристайл» тәрбиәләнеүселәре Рәсәй чемпионатында һәм беренселегендә ҡатнашыуға рөхсәт алды.