Нефтекамала II Башҡортостан милли мәктәптәре директорҙарының дөйөм форумы үтте

Нефтекамала II Башҡортостан Республикаһы милли инновацион мәктәптәре директорҙарының форумы үтте.

БР Мәғариф министрлығы вәкилдәре, республиканың милли мәктәптәре етәкселәре, юғары уҡыу йорттары, колледж уҡытыусылары полилингваль күп профилле мәктәп-интернатта, башҡорт гимназияһында булды һәм Нефтекама уҡыу йорттарының эш системаһы менән танышты.

Бынан тыш, форумда ҡатнашыусылар өсөн тренинг-интенсивтар, уҡытыу семинарҙары, фекер алышыуҙар ойошторолдо.

Форумда ҡатнашыусылар туған телдә белем биреү проблемаларын һәм перспективаларын, шулай уҡ профиль алды һәм профилле уҡытыу, уңышлы һөнәри йүнәлеш биреү мәсьәләләрен тикшерҙе.