Нефтекамала классик музыка марафоны үтте

Асыҡ һауалағы классик музыка концерты Нефтекама халҡы өсөн ысын мәҙәни ваҡиғаға әүерелде.

Классик музыка марафоны - «Уфанет» компанияһының һәм «ЯН»продюсерлыҡ үҙәгенең уникаль проекты. Тыныс кистә асыҡ һауала Дмитрий Шостакович, Петр Чайковский, Иоганн Штраус көйҙәре һәм феерик джаз тауыштары яңғырай. Кисә дауамында ҡала халҡы һәм ҡунаҡтары Өфө ҡалаһы мәҙәниәт һарайының тынлы оркестры һәм Ҡазандың билдәле «Фантазия» ҡатын-ҡыҙҙар джаз-оркестры талантлы музыканттары башҡарыуында классик һәм заманса композиторҙарҙың иң яҡшы әҫәрҙәренең матур көйҙәренән ләззәт алды. Байрамдың ысын кульминацияһы булып ике оркестрҙың фейерверк бөртөктәре аҫтында бергәләп сығыш яһауы тора...