Төнгө баскетбол уйнаныҡ

Ҡала көнөн байрам иткән көндә Нефтекамала төнгө баскетбол буйынса 2х2 турниры үтте. Ир-егеттәр командалары араһында турнир йомғаҡтары буйынса Өфө ҡалаһы командаһы еңеү яуланы. Ҡыҙҙар араһында беренсе урынды Краснокама районы командаһы яуланы.

Ярыштарҙа Өфө, Пермь, Стәрлетамаҡ, Күмертау, Камбарка, Нефтекама ҡалаларынан, Краснокама, Борай, Миәкә, Тәтешле райондарынан 24 команда ҡатнашты. Бөтәһе 100-ҙән ашыу ҡатнашыусы.

Күрһәтмә сығышы һәм оҫталыҡ дәресе менән Екатеринбург ҡалаһынан билдәле баскетбол фристайлеры Ринат Батталов килде.

Еңеүселәр һәм призерҙар кубоктар һәм грамоталар менән бүләкләнә.