Нефтекамалар «Ҙур тәнәфес» ярымфиналында

Түбәнге Новгородта «Ҙур тәнәфес» проектының ярымфиналы үтә. Унда Нефтекама ҡалаһы мәктәптәре уҡыусылары ла ҡатнаша.

Һәләтле йәштәрҙең ҙур проектына 20 төбәктән командалар йыйылды. Башҡортостан Республикаһынан ҙур делегация һәм 2-се, 13-сө ҡала мәктәптәренән, 1-се гимназиянан, 1-се лицейҙан һәм башҡорт гимназияһынан һигеҙ нефтекама ҡатнашыусыһы бар. Проектта ҡатнашыусыларға конкурс программаһын һынап ҡарарға, шул уҡ ваҡытта команда эше оҫталығын күрһәтергә кәрәк.