Башҡорт теленән халыҡ-ара диктант 26 апрелдә уҙасаҡ

Быйылғы акцияның девизы - "Тел-халҡыбыҙҙың рухи байлығы". Диктанттың онлайн форматы "Башҡортостан юлдаш телевидениеһы" телеканалында, рәсми сайтта, ойоштороусыларҙың социаль селтәрҙәре сәхифәләрендә 26 апрелдә иртәнге сәғәт 11-ҙә башлана.

Онлайнда яҙыусыларҙың эштәренең фотоһы йә скан күсермәһе bashdictant2025@yandex.ru йәки @bash_dictant_bot "Телеграмм"мессенджеры чат-ботына ҡабул ителә.

Шул уҡ ваҡытта мәктәптәрҙә, китапханаларҙа, юғары уҡыу йорттарында, мәҙәниәт учреждениеларында йәмәғәт ойошмалары офистарында диктант яҙасаҡтар.

Майҙансыҡтарҙа ҡатнашыусылар башҡорт телен белеү кимәленә ҡарап тәҡдим ителгән текстар буйынса төркөмдәрҙе һайлаясаҡ.

Һөҙөмтәләр акция үткәрелгәндән һуң 30 көн эсендә рәсми сайтта урынлаштырыласаҡ.