Өфө – «Бөтә донъя оҫталар ҡалаһы»

Өфө – «Бөтә донъя оҫталар ҡалаһы» исеменә лайыҡ булды. Баш ҡалабыҙ - Рәсәйҙә был халыҡ-ара статусты алған беренсе ҡала.

Бөтә донъя һөнәрсе-ҡалалар исемлеге 2014 йылда төҙөлә башлай. Унда донъяның 60-ҡа яҡын ҡалаһы ингән. Исемлектә Иран, Һиндостан, Ҡытай, Ҡаҙағстан, Үзбәкстан һәм башҡа дәүләттәрҙең ҡалалары ла бар. Бындай уңыш – үҙ эшенә күңелен һалған Өфө оҫталарының, рәссамдарының, эшҡыуарҙарының хеҙмәт һөҙөмтәһе ул.