«Арғымаҡ» төркөмө йәнә Ағиҙелгә килде

Был төркөм Ағиҙелгә инде өсөнсө тапҡыр килә, тамашасы егеттәрҙе һәр ваҡытта йылы ҡаршылай.

Ансамбль ҡурай, думбыра, ҡубыҙ, ҡыл-ҡубыҙ менән берлектә гитаралар һәм һуҡма инструменттар, шулай уҡ төрлө ил халыҡтарының этник музыка ҡоралдары менән сығыш яһай.

«Арғымаҡ» төркөмөнөң үҙенсәләлеге – музыканттар башҡорт музыкаль фольклорын заманса башҡара. Артистар Ағиҙел тамашасыһын «Бирешмә», «Беҙ бергә», «Шәжәрә», «Бибирәхилә» йырҙары менән һөйөндөрҙө.

Байрам кисе фаер-шоу һәм салют менән тамамланды.