Йөҙ сигенә еттек

Башҡортостанда аҙаҡҡы тәүлектә тағы ла 99 кешелә COVID-19 вирусы асыҡланған, шуның менән сирлеләрҙең дөйөм һаны 11 343-кә етте. Һауыҡҡандар – 10 525 (һуңғы тәүлектә 201 кеше өҫтәлгән). Вафат булғандарҙың дөйөм иҫәбе – 58.

Бөгөн вафат булған пациентҡа килгәндә, уға 71 йәш булған, Өфөнән. Хроник обструктив бронхит, пневмосклероз, йәрәктең хроник ишемия

сирҙәренән яфаланғаны мәғлүм.

Башҡортостан стационарҙарында – 266 (шул иҫәптән 13 кеше ауыр хәлдә, өсөһө үпкәне яһалма елләтеү аппаратына тоташтырылған), амбулатор шарттарҙа 494 ауырыу дауалана.

Коронавирус инфекцияһы тарала башлағандан алып республика лабораторияларында 1 423 232 тикшереү үткәрелгән, 1 375 654 кеше тикшерелгән. Һуңғы тәүлектә 11 758 тикшереү үткәрелгән.

Пневмонияға килгәндә, һуңғы тәүлектә 297 кешегә ошо диагноз ҡуйылған, был ауырыуҙан һауыҡҡан 282 кеше дауахананан сығарылған.

Фото: ria.ru

Сығанаҡ: https://bash.rbsmi.ru/articles/s-l-m-t-bulayy/Y--sigen-ettek-532516/