+1 °С
Болотло
Бөтә яңылыҡтар
Көнүҙәк
17 Декабрь 2020, 22:40
Йыллыҡ план арттырып үтәлгән
Һүҙ Башҡортостанда “Хеҙмәт етештереүсәнлеге һәм мәшғүллеккә булышлыҡ итеү” милли проекты буйынса йыллыҡ пландың арттырып үтәлеүе хаҡында бара. Хәтерегеҙгә төшөрәбеҙ, был милли проект 2018 йылда ил Президенты Владимир Путиндың “май” указы менән раҫланғайны. Ул 2024 йылға илдә хеҙмәт етештереүсәнлеген биш процентҡа арттырыуға йүнәлтелгән.
Башҡортостанда иһә предприятиеларҙы “Хеҙмәт етештереүсәнлеге һәм мәшғүллеккә булышлыҡ итеү” милли проектына йәлеп итеү 31 процентҡа арттырып үтәлгән.
– Әле милли проектта ҡатнашыусылар исемлегендә республиканың 101 предприятиеһы бар. 2020 йылға күрһәткес 77 компания ине, – тип белдерҙе иҡтисади үҫеш һәм инвестиция сәйәсәте министрының беренсе урынбаҫары Айрат Фәхретдинов.
Декабрҙә генә Башҡортостандағы туғыҙ предприятие милли проектта ҡатнашыусы тип танылған. Иҡтисади үҫеш һәм инвестиция сәйәсәте министрлығының матбуғат хеҙмәте хәбәр итеүенсә, һаҡсыл етештереү, маҡсаттарҙы декомпазициялау һәм етештереү процестарын ҡулайлаштырыу нигеҙҙәренә предприятиеларҙың 1557 хеҙмәткәре уҡып сыҡҡан.
Фото: социаль селтәрҙән.
Новости партнеров