Башҡортостанда 97 мең тоннаға яҡын аҡ шәкәр етештерелгән

Республиканың Ауыл хужалығы министрлығынан хәбәр итеүҙәренсә, 14 ноябргә «Раевшәкәр» һәм Шишмә шәкәр заводы 627 мең тонна тамыраҙыҡ эшкәрткән.

Бөгөнгә республикала 96,7 мең тонна аҡ шәкәр етештерелгән, шул иҫәптән «Раевшәкәр» йәмғиәтендә – 50,3 мең тонна, Шишмә заводында – 46,2 мең тонна.

14 ноябргә Башҡортостанда татлы тамырҙың тулайым йыйымы 1,361 миллион тонна тәшкил иткән, уңыш – гектарынан 309,1 центнер.

Сығанаҡ: «Башинформ» мәғлүмәт агентлығы.