Директорҙың ҡыҙына кем ҡул һуҙған?

Ҡатын полицияға ғаризаны 15 декабрҙә яҙған. Әйтеүенсә, 26 йәшлек ир уның ҡыҙын ике тапҡыр мыҫҡыллаған. Беренсе тапҡыр был хәл 12 февралдә Өфөлә, машина туҡталҡаһында булһа, икенсе тапҡыр яман эшен 23 июндә, Бөрйән районындағы ауыл янында урманда башҡарған.

Етәксе ҡатын ҡыҙының был ир менән таныш булыуын билдәләй. Ә ниңә был ваҡиғалар тураһында полицияға улай һуң, байтаҡ ваҡыт үткәс хәбәр иткәндәр – уныһы билдәһеҙ.

Хоҡуҡ һаҡлау органдары ғаризаны ҡабул иткән, әлеге ваҡытта бәлиғ булмаған ҡыҙға зыян килтергән ирҙе эҙләйҙәр. Енәйәт эше әлегә ҡуҙғатылмаған.

Фото: cdn.ren.tv

https://bash.rbsmi.ru/articles/kh-ef-e-lek/Direktor-i--i-ina-kem-ul-u-an-594973/