Өфө халыҡ-ара мәғариф салонында Краснокама районы уҡытыусылары ла ҡатнаша

6-9 ноябрҙә ВДНХ-Экспо майҙансығында Өфө халыҡ-ара мәғариф салоны-2019 уҙғарыла. Унда Краснокама районынан мәғариф бүлеге методистары, Ҡуян, Арлан, Яңы Ҡабан, Николо-Березовка мәктәбе директорҙары, район үҙәгендәге балалар баҡсалары мөдирҙәре, уҡыусылар һәм ата-әсәләр ҡатнаша.

Сарала мәғарифтың заманса системаһының төп йүнәлештәре, яңы технологиялар һәм уҡытыу саралары, кадрҙарҙы яңынан әҙерләү системаһы тураһында мәғлүмәт, өҫтәмә һәм бизнес-белем биреү мөмкинлектәре менән таныштыралар. Оҫталыҡ дәрестәре, лекциялар, семинарҙар, ғилми-ғәмәли конференциялар, интератив майҙансыҡтар һәм башҡа саралар була.

Салон мәғариф системаһында ҡатнашыусылар араһында үҙ-ара эш итеү өсөн майҙансыҡҡа әүерелде.