Ағиҙел мәктәптәрен карантинға яптылар

21 ғинуарҙа Ағиҙел мәктәптәрендә был күрһәткес 18 процент булыуға ҡарамаҫтан, уларҙы карантинға ябырға тигән ҡарарға килделәр.

Төрлө мәктәптә хәл төрлөсә ине: гимназияла 7,6 процент бала сирләгәйне, беренсе мәктәптә – 11 процент. Ә бына исенсе мәктәптә был күрһәткес дүшәмбелә 30 процент, шишәмбелә – 37 процентҡа етте. Сирҙе тағы ла таратмаҫҡа тип, мәғариф бүлеге карантинға ябыу ҡарарын ҡабул итте.

Әлегә балаларҙың ниндәй инфекциянан сирләгәндәре билдәле түгел, шуныһы аныҡ: грипп вирусын лаборатория раҫламай.

Мәктәптәрҙә карантин 28 ғинурға тиклем һуҙыла. Шулай уҡ өҫтөмә белем биреү учреждениелары ла балаларҙы был көндәрҙә ҡабул итмәй.