Ҡурай
-11 °С
Ясна
Бөтә яңылыҡтар
Мәғариф
5 Март 2020, 10:25

Әмир – Халыҡ-ара олимпиада призеры!

Үрге Тәтешле 2-се урта мәктәбенең 7-се класс уҡыусыһы Әмир Ғабдуллиндың һәр көнө минутлап бүленгән. Шунһыҙ булмай ҙа, сөнки уға уҡыуҙан тыш, спорт менән шөғөлләнергә лә, түңәрәктәргә йөрөргә лә өлгөрөргә кәрәк. Уның ныҡышмалылығы һәм маҡсатҡа омтолошо был юлы тағы ла ҙурыраҡ бәйгеләрҙә үҙен күрһәтергә ярҙам итте.

Февраль аҙағында Әмир Таиландың баш ҡалаһы Бангкокта математика буйынса уҙғарылған «Math Challenge IX» халыҡ-ара олимпиадала ҡатнашты. Унда Әмир Рәсәйҙән бер үҙе генә булды. Олимпиада барышында 75 минут эсендә 40 биремде үтәргә кәрәк ине. Әйткәндәй, биремдәрҙең барыһы ла инглиз телендә була. Тырыш егетебеҙ уларҙы уңышлы үтәп, 3-сө урынға лайыҡ булды һәм мәртәбәле олимпиаданың бронза призеры исемен яуланы. Афарин, Әмир!
Алһыу Үтәшева.
Читайте нас в