Краснокама районы Николо-Березовка мәктәбендә туған телдәргә кураторлыҡ иткән уҡытыу-тәрбиә эштәре буйынса директор урынбаҫарҙарының семинар-кәңәшмәһе үтте

Унда туған телдең, милли традицияларҙың үҫеп килеүсе йәш быуынды уҡытыуҙа һәм тәрбиәләүҙәге роле тураһында һүҙ барҙы.

Кәңәшмәнең практик өлөшөндә башҡорт һәм татар телдәренән асыҡ дәрестәр күрһәтелде, шулай уҡ кластан тыш сара "Шәжәрә байрамы" ойошторолдо.

Теоретик өлөштә иһә дәрестә һәм кластан тыш эшмәкәрлектә һәләтле балалар менән эшләү формалары, методтары тураһында һүҙ барҙы.

Семинар-кәңәшмәгә йомғаҡ яһап, уҡытыусыларҙың туған телгә һөйөү һәм ҡыҙыҡһыныу тәрбиәләүҙә ентекле һәм системалы эше билдәләнде.

Читайте нас в

Редакция һайлауы