Краснокама районында робот техникаһының күсмә студияһы эшләне

Мүзәк ауылы мәктәбендә уҡыусылар өсөн Нефтекама ҡалаһы Полилингваль мәктәбенең күсмә робот техникаһы студияһы эшләне.

Проект STEAM-робот техникаһының күсмә студияһынан тора, уның сиктәрендә белгестәр төрлө белем биреү роботтарын программалау буйынса бушлай оҫталыҡ дәрестәре үткәрә.

Был юлы оҫталыҡ дәресендә ҡатнашыусылар роботтарҙың ике төрөн программаланы. Мүзәк уҡыусыларына иҫтәлекле бүләктәр: полилингваль мәктәп командаһынан сумка-шопперҙар, блокноттар, пеналдар һәм ручкалар тапшырылды. Егеттәр һәм ҡыҙҙар бик ҡыуанды!