Краснохолмский 2-се мәктәбендә «Республика Башкортостан» гәзите хәбәрселәре булып киткән

Балаларҙа ҡунаҡта мөхәррир урынбаҫары Владимир Огородников һәм фотохәбәрсе Ринат Рәжәпов  булған.

Республиканың төп гәзите хәбәрселәрен быйылғы йылдың иң яҡшы уҡытыусылары иҫәбендә ике мәктәп вәкиленең - башҡорт теле уҡытыусыһы Лилиә Дәүләтова һәм төбәктең иң яҡшы биш уҡытыусыһы иҫәбенә ингән математика уҡытыусыһы Татьяна Здорованың булыуы ҡыҙыҡһындырған.

Ҡунаҡтар өсөн мәктәп буйлап экскурсия ойошторолған - улар дәрестәрҙә булған, уйын, сенсор бүлмәләрен ҡараған. Робот техникаһы буйынса конкурсҡа әҙерлек барған мультимедиа кабинетында уҡытыусылар мәктәпте һанлы технологиялар менән йыһазландырыуҙы күрһәткән.

Йәш журналистар араһында ойошторолған мәктәптең «Студия 5+» методик берекмәһенең эше лә иғтибарҙан ситтә ҡалмаған. Балалар республика гәзите хеҙмәткәрҙәренең эш үҙенсәлектәре менән ҡыҙыҡһынған. Йәш журналистар «Республика Башкортостан» гәзите редакцияһына ҡунаҡҡа саҡырылған.

Фото: Краснохолмский 2-се мәктәбе.