Режиссер Рәсимә Сәләхова Людмила Духанинаның "Әллә мин юҡ микән" тип аталған психологик драмаһын ҡуйҙы. Пьеса ата-әсәләрҙең үҙ балаларына бәғерһеҙ мөнәсәбәте нимәгә килтергәнен күрһәтә. Әсәһенән һөйөү күрмәгән, атаһынан гел ялған вәғәҙәләр генә ишетеп үҫкән малай тормош юлында ҙур хаталарға дусар була.
Төп ролдәрҙе 2-се мәктәп уҡыусылары Илнур Йәнгиров, Олег Лутчин һәм Данил Шакиров уйнай. Бәғерһеҙ әсә ролен Гөлшат Сәләхова башҡара. Спектакль тамамланғас, ул тамашасыларға: “Балаларығыҙҙы, бер нимәгә лә ҡарамай, һөйөгөҙ. Һеҙҙең һөйөү булһа, улар тормошта юғалмай», - тине.
Спектаклгә билетты "Пушкин картаһы" менән алырға булды.