Бөтә Рәсәй күмәк саңғы ярыштары һәм "Айыҡ ауыл" республика конкурсы сиктәрендә "Рәсәйҙең саңғы юлы" саңғы ярыштары һәм район тарихында тәүге — удмурттарҙың "Докья", башҡорттарҙың "Табын", "Танып", "Гәрәй" ырыуҙарының "Күңелле шудонъёс" («Күңелле уйын») ярыштары үтте.
Дүрт ир-егет һәм ике ҡатын-ҡыҙҙан торған командалар башҡорт эстафетаһында — бүрәнәне бысыу, утынға ярыу, тиҙлеккә ташыу; удмурт триатлонында — ҙур саналарҙы тиҙлеккә йөрөтөү, ҡулсаны мәргәнлеккә атыу һәм дистанцияны үтеү, мега-саңғыла команда менән шыуыу, бүрәнәне түңәрәктән сығарыу, быйманы алыҫҡараҡ ырғытыу, арҡан тартышыуҙа көс һынашты. Байрам автоклуб артистары концерты менән үрелеп барҙы.