“Артек”тағы йәй

“Виктория” (Нефтекама) эстрада-спорт бейеүенең өлгөлө ансамбле “Артек” Халыҡ-ара балалар үҙәгенә (элекке пионер лагеры) юллама менән бүләкләнгән.

Дәрәжәле конкурстарҙа даими ҡатнашыусы һәм лауреат булараҡ “Виктория” ансамбле  “Домисолька” Халыҡ-ара конкурсында һәм “Изге яҙ” балалар һәм үҫмерҙәр бейеүенең Милли премияһы сиктәрендә Бөтә Рәсәй конкурсында үҙен был юлы ла еңеүсе итеп күрһәтеп, 21 көнгә лагерға юллама менән бүләкләнгән.

Ҡара диңгеҙ ярына “Виктория” ансамблендә шөғөлләнеүсе 51 бала һәм ике педагог — Азамат Шәмсиғәлиев һәм Аделина Ғәлиәкбәрова — юлланған. Әммә йәш бейеүселәр ял ғына итмәйәсәк, сөнки улар конкурстарҙа һәм сараларҙа ҡатнашыу өсөн үҙҙәре менән костюмдар ҙа алған.