Нефтекамала велосипед юлы төҙөлөшө тамамланды

Нефтекамала “Торлаҡ һәм ҡала мөхите” милли проекты сиктәрендә “Сәләмәтлек һуҡмағы”нда 75 миллион һумға велосипед юлы һалыу буйынса эштәр тамамланған.

Велосипед юлы маршруты ҡала урамдарына сығыу юлы менән урман массивы буйлап 5,7 километр тәшкил итеп, Краснокама районы сиктәренә тиклем һуҙылған.

Маршрут буйынса велоурналар, велостанциялар, велосипед терәгестәр, светодиод билдәләр, уйын комплексы, тағандар, батут һәм батут юлы булған ҙур балалар майҙансығы  урынлаштырылған. Бирелә  шулай уҡ волейбол һәм баскетбол уйындары өсөн майҙансыҡ булдырылған, унда имгәнеү ҡурҡынысынан һаҡлаусы ҡатлам һәм трибуналар урынлаштырылған, асфальт нигеҙенә монтажланған яҡтылыҡ билдәләре ҡуйылған.