Нефтекамала стрит-воркаут буйынса ярыштар үтте

Нефтекамала Сәләмәтлек һуҡмағының воркаут майҙанында стрит-воркаут буйынса ярыштар үтте.

Сараның инициаторы — Нефтекама ҡалаһының Йәштәр советы. Ҡатнашыусылар — Нефтекама, шулай уҡ Туймазы һәм Яңауыл ҡалаларынан  төрлө йәштәге 14 йәш егет.

Энергетика, драйв, эмоциялар, заряд — барыһы ла бер ҙур спорт байрамына йыйылды. Ҡатнашыусылар, спорт һөйөүсе балалар, турниктарҙа баш әйләндергес трюктар күрһәтте. Уларҙы көйәрмәндәр дәртләндерҙе, ә тәжрибәле воркаутерҙарҙан торған жюри ағзалары баһаланы.