«Аманат» йәнә еңеүсе!

25 февралдә Ағиҙел ҡалаһында уҡыу-тикшеренеү эшмәкәрлеге менән шөғөлләнеүсе уҡыусыларҙы берләштергән театр-фольклор төркөмдәре араһында “Башҡортостан ынйылары” конкурс-фестиваленең муниципаль этабы үтте.

Республикабыҙҙың тарихи шәхестәренә арналған конкурс «Рухи байраҡ һинең исемең” девизы аҫтында ойошторолдо. Жюри ҡарары буйынса 1-се һанлы мәктәп уҡыусылары фольклор-театралләштерелгән коллективының “Ҡар һыуына барыу йолаһы” тамашаһы 2-се урынды яуланы.

Ә “Башҡортостан ынйылары” республика фестиваль-конкурсында күп тапҡыр уңыштарға ирешеүсе ҡала башҡорт гимназияһының “Аманат” театр-фольклор төркөмө еңеүсе тип танылды. Тамашасылар иғтибарын яулаған гимназия уҡыусыларының театраль постановкаһы Мостай Кәримдең “Беҙҙең өйҙөң йәме” повесы буйынса әҙерләнгән ине.

Читайте нас в