Краснокама районы уҡыусылары һәм уҡытыусылары "Милли кейемдә уҡыйым" акцияһына ҡушылдылар.

Милли костюмдар көнөнә Краснокама районы мәғариф һәм мәҙәниәт учреждениеларында төрлө саралар үтте. Уҡыусылар, уҡытыусылар "Милли кейемдә уҡыйым" акцияһына ихлас күңелдән ҡушылдылар.

Башланғыс класс уҡыусылары рәсем дәресендә башҡорт халыҡ кейемдәрен төшөрҙөләр. Бөтә уҡыусылар өсөн класс сәғәттәре үтте, тыуған яҡты өйрәнеү музейына экскурсия ойошторолдо.

Был көн бөтәһенең дә күңелендә оҙаҡ һаҡланыр. Дәрестән алған тәьҫораттар уҡыусыларҙа милли рух тәрбиәләүгә, халыҡтар араһындағы берҙәмлектең ни тиклем ҡиммәт булыуын аңлауға үҙ өлөшөн индергәндер, тигән ышаныста ҡалабыҙ.

Сығанаҡ: Краснокама районы башҡорттары ҡоролтайы.