+3 °С
Ясна
Бөтә яңылыҡтар
Сәйәсәт
25 Октябрь 2018, 21:41
Радий Хәбиров: Дәүләт Йыйылышы майҙансығы вайымһыҙ етәкселәр өсөн Голгофа булырға тейеш
Кисә Дәүләт Йыйылышының даими нигеҙҙә эшләүсе етәкселеге һәм депутаттар менән осрашыуҙан һуң Башҡортостан Башлығы вазифаһын ваҡытлыса башҡарыусы Радий Хәбиров бөгөн республиканың алтынсы саҡырылыш парламентының икенсе пленар ултырышында сығыш яһаны. Радий Хәбиров депутаттарҙы алда эшләргә, республиканың социаль-иҡтисади үҫеш ысынбарлығына яуап биргән закондар сығарыу башланғыстары тәҡдим итергә саҡырҙы. Халыҡ һайланыусылары шулай уҡ дәүләт власы органдары эшмәкәрләген ғәҙел һәм компромисһыҙ анализларға тейеш.
«Дәүләт Йыйылышы депутаттарына үҙҙәренең парламент контроле хоҡуғы менән әүҙем ҡулланыу шарт. Һеҙҙең майҙансыҡ вайымһыҙ етәкселәр өсөн ниндәйҙер Голгофа булырға тейеш», — тип һыҙыҡ өҫтөнә алды Радий Хәбиров. Депутаттар үҙ мандаттарына карьера мәнфәғәте өсөн көрәшмәгәндәр, уларҙың бөтәһен дә республикаға һәм уның халҡына хеҙмәт итеү берләштерергә тейеш тип ышанысын белдерҙе республика етәксеһе.
«Һеҙ округтарығыҙ мәнфәғәте менән йәшәргә тейеш. Республика парламентына электрон ҡабул итеү бүлмәһе булдырырға кәрәк. Унда һәр депутаттың үҙ почтаһы булырға тейеш, уларға һайлаусылары үҙ проблемалары тураһында яҙа ала. Әгәр кешеләр яҙмаһа, тимәк улар һеҙгә ышанмай», - тине Радий Хәбиров. Башҡортостан Башлығы вазифаһын ваҡытлыса башҡарыусы депутаттарҙа республиканың башҡарма власть органдары менән һөҙөмтәле үҫеш өсөн яуаплылыҡты уртаҡлашырға әҙер партнерҙар күрергә теләүен билдәләне.
Читайте нас:
© 2024 Сайт издания "Курай"
Свидетельство о регистрации СМИ: Серия ПИ №ТУ 02-01518 от 25.03.2016 г.
Тел. редакции: 8(34759)7-35-05, e-mail: [email protected]
Телефон
8(34759)7-35-05
Электрон почта
Адресы
Краснокамский район, с.Николо-Берёзовка, ул.К.Маркса, 4а
Реклама хеҙмәте
8(34759)7-73-53